Que ecografías facemos
- Ecografía de confirmación: comprobar que o embarazo está dentro do útero, ver o latido e o número de embrións.
- Datación do embarazo segundo o tamaño do embrión.
- Ecografías de control ao longo da xestación para ver a evolución do bebé.
Un complemento ao teu seguimento
O seguimento completo do embarazo e o parto lévanse no teu centro de saúde, no hospital ou co especialista que elixas. As nosas ecografías complementan ese seguimento: unha visita tranquila para ver ao teu bebé e resolver as dúbidas que xurdan en cada etapa.
Cando pedir a primeira ecografía
Se tes un test de embarazo positivo, podes pedir cita. Nas primeiras semanas aínda pode ser cedo para ver o latido; ao pedir cita indicarémosche o momento máis axeitado segundo a data da túa última regra.
Cando ir a urxencias
Se durante o embarazo tes un sangrado abundante, dor abdominal intensa, febre ou notas que o bebé se move menos do habitual, non esperes a unha cita: acude ao servizo de urxencias do teu hospital.